Á sýningarsvæði Ljósleiðarans gátu gestir skoðað ýmis tæki og tól sem notuð eru við uppbyggingu og rekstur ljósleiðarakerfisins. Starfsfólk okkar átti mörg góð samtöl við gesti, svaraði spurningum og útskýrði hvernig ljósleiðaratæknin flytur upplýsingar með hraða og áreiðanleika sem nútímasamfélagið reiðir sig á á hverjum degi. Gestir á öllum aldri sýndu tækninni mikinn áhuga og fengu tækifæri til að kynnast ljósleiðarainnviðunum.

Ljósleiðarinn bauð gestum einnig að spreyta sig á spurningaleik þar sem reyndi á þekkingu á ljósleiðaratækni og starfsemi fyrirtækisins. Ein af spurningunum sem reyndist hvað erfiðust sneri að sjálfum innviðunum sem tengja samfélagið saman: Hversu margir kílómetrar af ljósleiðaraþráðum liggja um Ísland? Fáir gera sér grein fyrir umfangi kerfisins sem er nánast ósýnilegt og liggur undir jörðu eða inn í veggjum en í raun teygir ljósleiðaranetið sig nánast um 300.000 kílómetra um landið og þetta hálfósýnilega en gríðarstóra kerfi gegnir lykilhlutverki í daglegum samskiptum landsmanna.

Einn heppinn þátttakandi sem komst næst því að svara öllum spurningunum rétt stóð uppi sem sigurvegari og hlaut stútfullan gjafapoka frá Ljósleiðaranum með ýmsu góðgæti og gjafabréfum!

Við þökkum öllum þeim sem komu við á sýningarsvæðinu okkar og tóku þátt í spjalli og fræðslu. Það var virkilega ánægjulegt að finna þann áhuga sem gestir sýndu tækninni og hlutverki Ljósleiðarans í nútíma samfélagi.