Cisco og Gagnaveita Reykjavíkur taka höndum saman um að bjóða heimilum 1000 megabita nethraða

valur

Skrifar

04. febrúar 2016

mynd-ur-tengingum-ljosleidarans.jpg

Cisco og Gagnaveita Reykjavíkur taka höndum saman um að bjóða heimilum 1000 megabita nethraða

Cisco og Gagnaveita Reykjavíkur munu gefa íslenskum heimilum kost á að fá 1 gígabits nethraða strax á þessu ári og gera Ísland að prófunarsvæði á heimsmælikvarða fyrir snjalllausnir og Interneti allra hluta (Internet of Everything).

Samkomulag Gagnaveitu Reykjavíkur og Cisco felur einnig í sér að kynna og koma að verkefnum sem snúa að hágæðalausnum sem nýta ljósleiðaranet Gagnaveitu Reykjavíkur, Ljósleiðarann.
Ljósleiðarinn er opið ljósleiðaranet sem byggt er upp á Cisco vélbúnaði og hefur verið þjónustað af sérfræðingum Cisco.

Með þessu býðst þeim fyrirtækjum sem bjóða snjalllausnir og alnetslausnir til boða að nýta Ljósleiðarann til innleiðingar og tilviksrannsókna og annarra tilrauna á þeim hér á Íslandi í samstarfi við Gagnaveitu Reykjavíkur og Cisco.

Hér er tengill á frétt Cisco um samstarfið.
http://emear.thecisconetwork.com/site/content/lang/…/id/5018

Erling Guðmundsson, framkvæmdastjóri Gagnaveitu Reykjavíkur:

„Venjuleg heimili geta í dag fengið 500 megabita tengingar, með jafnan hraða í báðar áttir jafnframt möguleika á að fara upp í 1000 megabita tengingu.
Við höfum raunar þegar hafið prófanir á 10 gígabita samhraða tengingum á sama ljósleiðaranum. Við teljum okkur virkilega vera í fararbroddi með því að bjóða almenningi svona gríðarlega mikinn hraða. Möguleikarnir eru óþrjótandi og því langar okkur að verða að prófunarsvæði fyrir allan heiminn, og bjóðum Ljósleiðarann fram í slíkt samstarf, enda er það opið fyrir alla þjónustuveitendur sem vilja nota það.“

Peter Karlströmer, Senior Vice President fyrir Norður Evrópu hjá Cisco:

„Með opnu neti og 100% útbreiðslu Ljósleiðarans í Reykjavík má segja að ímyndunaraflið eitt setji því takmörk hvað hægt er að gera. Það er augljóst að ljósleiðaranet Gagnaveitu Reykjavíkur, sem byggir algerlega á tækni frá Cisco, sé fullkominn prófunarstaður fyrir frumkvöðla og aðr þá sem þróa snjallar lausnir, þar á meðal fyrir snjallborgir og snjallsamfélög, snjallheimili og Internet allra hluta.“